Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

MINOTAUROARENEAN

 

gorputz honen alternatiba onargarririk ez dut kausitu

abdukzioaren artea helgaitza zait gaurkoz

horregatik neure baitan penatzen naiz

izunak zaizkit kondizio esklabo honetatik

askatzea agintzen didaten kontsignak oro

saiatzen naiz gogoaren eta soinaren

arau larrietara moldatzen

konformismoaren paduretan zeharo ito gabe

 

arrunt motzak zaizkit

entseatutako gimnastika anitzen emaitzak

—gorputza maldan behera nola doan

begira nago muker gogoaren nasatik—

besterik ezean errebisionismo epelenari men egin eta

sabotaje ekintza xumeak gorabehera

azken hatsa zahardadean zurkaiztuta ematearekin etsi dut

neure gorputzarekiko aurkakotasun gorrian