Goiza zuriz estali da
Zuriz estali dira begiak, idazteko gogoak
Zuriz dira oroitzapen galduak
Begirada hautsiak, ausentzia ororen itzalak
Eta izenik gabe aurkitzen da oro elurpean
Goiza zuriz estali da
Zuriz estali dira iraganaren orbainak
Maitaleen hasperen itzaliak
Zuriz dira herriminak, bihotz urratuak
Kriseilu zaharkituen argi kartzelatuak
Eta ene orri zuriotan zure bila nabil
© Mikel Ibarguren