Hemen gauak lau ertz ditu
Harrizkoak dira eleak alanbrezkoak etorkizunak
Eta maitasunak gutun baten forma hartzen du
Gizakia bere itzalaren bila doan
Leiho burdinarik gabea da
Hemen askatasuna
Ditare baten barruan kabitzen da
Esperantza urrunean erdikusten den
Bandera arrotza da
Eta meteorologoek iragartzen duten
Eguraldi on hori ez da hona iristen
© Mikel Ibarguren