Lanbro urratuak memoriaren hemerotekan
Neure baitan bidazti noa
Xederik gabe
Itsasoaren iragan luzeak
Hondarrean laga oroitzapenak ezabatu ditu
Eta urtekari zaharkituetan ez da
Bozkariorik ageri
Behazun mingarra ez bada
Zestoako karriketan da ene haurtzaroa
Eta gutunbako gauaroa hurbiltzean leiho ondora
Norbait bertaratzen zaidala sentitzen dut
Nortasun agiririk gabeko bakardade honetan
© Mikel Ibarguren