- Mugaldean
- Urratuak
- Mugarri luzeak
- Mugaldekoa
POESIAREN MUGAK
Ene negarra ene muga da.
Enegarren muga madarikatua.
Ezin bainaiz bertsotik haratago joan.
Ezin baituzu jarioa geldiarazi.
Zadorrak gainezka eginik
bete-betean harrapatu gaitu.
Uholdearen aztarnak baizik ez daude agerian.
Aurpegiak errekaren ubidea marraztu du:
ildo berriak irekiz, zauri zaharrak ezin itxiz.
Gerra-korrespontsalak bezala,
zuregarren poema honek ere ez luke existitu behar.
Etengabe itotzen naiz igerian.
Zuk jakin dezazun
hiztegiaren ur uherretako itoaldirik latzenetan ere
zure ahoa eta biriken bitartez
hartzen ahal dudala hatsa.
© Edu Zelaieta
