- Mugaldean
- Urratuak
- Mugarri luzeak
- Mugaldekoa
BERTAKO ISTORIOAK
Aduanak Pirinio inguruan ezarri zirenean
bizimodu oso bat sorrarazi zuten
konturatu gabe.
Eguneko txoria hontza bihurtu zen; txoria txori.
Gerora
belaunaldiz belaunaldi ailegatu zaie altxor klandestinoa,
mugaldeko anitzek bertzerik ezagutu ez dutela:
mugari esker bilakatu baitira mugalari,
honaindian eta haraindian.
Mugari esker berena izan dute mugazainek,
onean eta txarrean.
Orain
bi aldeetako mugalariak elkartzen zituen marra
ezabatzera deliberatu dute.
Eta antzina bezala gelditu gara.
Bidasoa aldeko itsasoa erreka egin da berriz ere.
Iraganeko
mugalariak, kontrabandistak, estraperlistak dira egun
bentetako saltzaileak, fabriketako langileak edota
bertako turismoa sustatzen duten landetxeetako nagusiak.
Beren atseden orduan nahiz ogitartekoa jateko tenorean
mugaldeko istorioak kontatzen dituzten
nagusiak, langileak, saltzaileak.
© Edu Zelaieta
