- Mugaldean
- Urratuak
- Mugarri luzeak
- Mugaldekoa
ALTER EGO
Ez dizut begietara
begiratuko
triste eta goibel zauden bitartean.
Zuregatik aritu naiz bila eta eske
eske eta bila olerki zaharretan barrena,
alferrik.
Ez dut neronen akabera ikusi nahi zure mirailean.
Ez dut infernuan kiskali nahi zure gogoan.
Koldarra izateaz harro nago, behingoagatik.
Barkatuko didazu, laztana,
nire ahulezia, baina
errana dut:
Ez dizut begietara
begiratuko
triste eta goibel nagoen bitartean.
© Edu Zelaieta
