- Mugaldean
- Urratuak
- Mugarri luzeak
- Mugaldekoa
AMATASUN ANTZUA
Nigan habitatzen duten
Jane Austen, Virginia Woolf,
Gioconda Belli, Blanca Anta...
Erdiminez nahi nuke iratzarri
bi aldiz bi
bizirik egoteko.
Munduari bizitza deklaratu
odolaren etenak ez baitu bertze legerik onartzen.
Nigan habitatzen duten
ama guziak gainerako mamuekin azaleratu.
Bularretatik bizitza eman eta hartu.
bi aldiz bi
bizirik egon.
Etorkizuna konjuratu
ama izateko.
Ez dut neure ezintasunetik
inolako omenaldirik egin nahi,
ni bezain antzua bailitzateke.
Amaren altzoan
eztiro kulunkatuz
dastatzen ditugu gizonok sormenaren jelosiak.
Erdiminez nahi nuke iratzarri.
© Edu Zelaieta
