Bildumaren zerrendara itzuli Idazle beraren beste lanak

LIBURUARI BURUZKO
KRITIKAK
EROSI LIBURUA
E-BOOK FORMATUAN

 


 

OKARANA

 

Zabal nasai besoak,

eman laztanetan

udak ematen dakien

                      den-dena:

gereziak,

            sagarra,

                      okarana.

 

(gereziak eta sagarra;

            esadazu non duzun

                      gorderik okarana)

 

Utz iezadazu joaten

lepoko Nazioetan behera,

Ilargi Hordien

                      Haranera:

han ote usozelaia,

                      eperlanda,

                                  akelarrea.

 

(usoa eta eperra;

            esadazu non den

                      atseginen larrea)

 

Emadazu lipar bateko

            heriotza ttipia,

            isurian negarrez

                                  azken irria:

                      malkoak,

                                    eztia,

                                            bizia.

 

            (malkoak eta eztia;

                      heriotza ttipietan

                                    joan dakigun bizia)

 

 

 

© Omar Nabarro

 


www.susa-literatura.eus