Azaroak hogei

Airea zulatzen bozina adarrak;

Han hemenka zenbait barrikada sutan

arratseko zeruarekin larrutan

teilatuetan gora igoten kedarrak;

hartuak gaitu gaur mendeku sukarrak.

Lehertzear garunak hainbat burutan,

negarrez gara gasoil anpulutan

jaurtiz koktelak; hain arma kaxkarrak

guk eta hain hornitua, aldiz, etsaia!

Bide berrietan herkideok saia

berreskura arte askatasuna;

jainkoak menperatu, hautsi harkaitza,

libra dezagun Prometeo; betor garaitza

eta beronekin etorkizuna.