Hareatzan etzanda poemak

brontzez tindatzen eguzki galdatan

erabat mozkortuta Vermouthetan

erdi biluzirik aintzinako lexemak:

larru gorritan gaurko semantemak

zakila barruratu nahiz, txantetan?

subjuntibo lotsati aluetan;

barreka morboz begira morfemak.

Etxean buruhausten poetak,

ernaldu ezinik beraien errimak,

akademiak esan ariketak

betetzeko erdiminez arimak.

Sufritzen ari dira gure estetak

gaurko ganora ezaren biktimak.