Nerea eta nere arbaso haustuen historia
pauso geldiroz dakart gogora
leku orotan dantzut belardi gabeko ezkila
eta hodei iraunkor baten lantua
pertsona ilun andanak somatzen ditut
urte ta mendeen tolesduretan
beldurraren menpeko hegada urduri bat
eta uste gabeko amiltzea
hala datozkit estutzen nauen katea
nahi eta ezinez josia
traizionatzen dut aldika
traizionatzen nau aldika
inoiz ahantzi ere egin nau
egin dut
aske denaren planta
© Jose Luis Otamendi