JUANEKIN SOLASAK MIHAURTZEN

Juanek ez ditu nolanahi

mihaurtzen solasak

galdetu dit ote dakidan

zer den ilupa izatea

Ez dakizu zer den?

Eta keinu egin du bi behatzekin

ilauna airean uzten duela lurrera erortzen

Hortxe duzu!

Maisua da Juan

hitzak pintatzen ditu

nola bere oihaletako paisaiak

Bentan elkartu gara

kopa bana ardo on dastatzeko

mostradorea marmolezkoa da

osaba Joxemarik aspaldi espres ekarria

Madrilgo bere tailerretik

(hilarriak eta biziarriak egiten zituen hantxe)

Alkaiagan gaude

inork ez bezala ematen dizkizu

udazkenaren kolore ñabardura guziak

badaki dantzatzen pintzela

mingaina ere bai

eta behatzaile ona da

arranguratua ikusi nau norbaitengatik

Ez kezkatu, erran dit,

kasurik ez egin jende ilupari

Juan Larramendi Arburua (Bera, 1917-2005)