PEDRAS

Os corazós dos homes
que ao lonxe espreitan,
feitos están
tamén
de pedra

(Celso Emilio Ferreiro.
Longa noite de pedra)

Nosotros nos limpiamos el culo con piedras

orain ez zidak graziarik egiten

aspaldiko txiste txarrak

não temos documentos

nork utzi zituen portugesak

salduak, goseak, hotzak, galduak

limpamos o cu com pedras

zintzurrean lehertu egin zaidak

orduko gure irri ergela

horrako putzuan ito zuan bat

harako malkor hartara erori

eta hila bezala abandonatu zitean bertze bat

dirua ederki kobratu

alde honetan utzi

eta hor konpon gizajo haiek

gure mendi idilikoetan

inoren miseriak eta goseak

ez dik barkatzen

are behartsuagoa dena

zaborraren pare tratatzea

não temos documentos

limpamos o cu com pedras

amorrazioz errana

ez duk harririk

ezta zetazko paperik ere

diru beltz haren

jabe zuriaren

esku mantxatuak

inola ere

garbituko dituenik