GAUA

Gauari jokatu gintzaizkion

zezen zaurituak bezala

geure adar makestuak

oihalari iltzatu eta tira eginez

luzatzeko eginahalean

Hondarreko

gudaroste desberdinetako

ehiztari banaka batzuk

bertzerik ez ginen gelditu

egun berria iragarriko zuten

erloju guzien atzetik

Elkartu bagina, halere!

baina hura Babel baitzen

heriosuhar saiatuagatik

lehenbiziko argi izpiak

bentzutu gintuen denak

gupidarik gabe