Belar segatua

(Lehendabiziko estrofa honen itzulpena
Anjel Lertxundiri ostu diot:

Mentura dugun artean,
Alberdania, 12. orrialdea).

Ahul datza belar ebakia.

Laburra da galburuei darien

hatsa.

Luze-luzea da heriotza.

Ekain hosto-berdeko

ordu zurietan hiltzen baita,

gaztaina loreekin,

pipitaz elurtutako palaxuekin,

amañi lili zuriak arkuturik,

hede doratuko ilara galduak

eta hodei potolo gozo hori

udako bakerantz, mugi eta mugi.