ESKALA
Lurraldetasunarena atera didazu baina
orain ez da geografia bat behar dudana,
gorputz bat baizik, nireaz neurtzeko,
finean, giza eskalan bizi baita gizakia.
Ciorani irakurri diot estua dela muga
konbikzioen eta apeten artean eta
nire ohean, eder, biluz eta konkretu,
giza irudiaren argazkiz osatutako
The Body liburuari begira zaudela,
argi dut ideiek xehetasun bilakatzeko duten
era bihurria dela gustatzen zaidana:
hemen gertatzen zarelako maite zaitut.
© cc-by-sa Iņigo Astiz