MINAK

Badira minak eta minak

publikoak eta intimoak

paparrean erakustekoak eta

ahazteraino ezkutatzekoak;

aurrez begiratu ezin direnak

inoratu ezinezkoak eta

kontuz zapaldu beharrekoak;

denborak baretzen dituenak

eta denborak sortutakoak;

pertsonak osatzen dituztenak

pertsonak erditzen dituztenak;

psikikoak eta larruzkoak

fisikoak eta ingeniari diseinuzkoak,

badira minak eta minak;

baina minetan minenak;

zugan lehertu eta

zangorik gabe uzten nautenak.

© cc-by-sa Iņigo Astiz