AURIKULARRAK
Norbaitek mahai gainean ahaztuta
egoskor ari dira aurikularrak kantuan
jadanik ez dagoen norbaitentzat, eta
zentzuzko ezer konprenitu ez arren,
otoitz moduko batean dirudi ahotsak
bere latin propio eta ulertezinarekin
eskari zaharren bat errepikatzen.
Badu detaile bakoitzak edertasun bat
lekukorik behar ez duena. Bada
denboraz gaindiko intimitate bat,
nire agerpenaz hondatu dudana. Ez luzez.
Atea itxi eta berez utzi dut mundu puska hau
berriz ere bere burua ospatzen.
© cc-by-sa Iņigo Astiz