ESPERIMENTU LUMINIKOA AUTOAN

Ez noa azkarregi

eta ezagutzen dut bidea:

argiak itzali ditut.

Hauts artetik gora

doa gaua, ilargia,

isiltasuna.

Urrunean herria (nirea)

argi-xuxurla batean,

eta bertan, errepideko marrak

zuri, ozenago,

bide ertzean bazterrak,

erabat beltz,

gainontzeko

ia dena bezala,

bereizezin baina

mehatxuka,

eta arriskuaren erdian (edo)

autoan ni;

izu-antza

baina barregarri,

azkenean,

landa lanetik

oinarrizko bibliografiara

itzuli beharragatik:

Baudelaire, C.,

Les Fleurs du mal

«Correspondances»

© cc-by-sa Iņigo Astiz