Moskito
Moskito
2020, poesia
96 orrialde
978-84-17051-41-9
Azaleko irudia: Borja Estankona
Azaleko diseinuan laguntzaile: La Machine
Igor Estankona
1977, Artea
 
2009, poesia
2002, poesia
1998, poesia
 

 

HAZIA DESERTUAN

 

Hemen nago bete ezinik hainbeste igerileku

hemen nago Alderdiak noiz irabazi

 

amestutako portuetako lurruna, arraina ur lohietan,

zure titi zuriak ukitu orduko deformatzen zaizkit.

 

Eta ametsa errepikatzen da hainbeste non bizitza den

gauetako lo-galtzea, eta oraingo hau ezer ez da,

hain da berdea, sarria eta euritsua

tigrearen urtaroa.

 

Tigrearen urtaroa.

Argaltzen ari naiz, ez tigrea bezala

baizik eta txakurra bezala.

Eta zoriontsu naiz.

Ematen du ez dudala merezi baina ederki kostatu zait

 

nire hariak askatzea, garretan zegoen hiritik irtetea

 

bakean daroa errekak haurren haurtzaroa

gure eskeletoen distira itsasoko uretara orain.

 

Pentsa ezazu une batez: ez genukeen bidaia hau egingo

ez bagenu auto hartan larrua jo

 

umeek ez zuketen Erromara joateko ilusioa edukiko.