LASAI

Ordainlekuan gerarazten bazaituzte

euren larru distiratsuekin miatzen badituzte

zure izatasunaren badiak

lekuok okupatzen dituztenak ez badoaz

eta ez badute joan nahi

eta galdetzen badizute ea zer dakizun

desagertzen ari den Iruñeaz

zu isilik egon zure guraso

umiliatuen antzera

lehenago hilko dira eurak eta euren matxismoa

guk bukatuko dugu txakurren auzia.