Moskito
Moskito
2020, poesia
96 orrialde
978-84-17051-41-9
Azaleko irudia: Borja Estankona
Azaleko diseinuan laguntzaile: La Machine
Igor Estankona
1977, Artea
 
2009, poesia
2002, poesia
1998, poesia
 

 

PATUA ZER DA HORI

 

Hartu dugun bide bakoitzeko bereizi gara bidetik.

Kaneari iritzi genion hutsal eta goibel.

Hiru-lau aldiz sartu ginen bertako terraza ozenetara

eta ikusi gero han elizak herriko muinoetan

erdi bizantziarrak, erdi veneziarrak.

 

Amorgosetik gentozen eztiari emanak luzaroan egonda

eta arean lehenago, Atenasen

Paris Economourekin jardun ginen.

Batak honi besteak hari eusten zion kartsuki

Patisiako auzunean oraindik zeresana

ematen duten gauzen gainean.

 

Helenitatea, euskaltasuna, lilura.

 

Esaten dute naturari argi badario

eta jendea arrosak bezain gazte

fruta-arbola xumepean olgetan badabil

iritsi zarela, Nikorin zaudela.

 

Baina guk azkenean Kaneara jo

zinikoek hartua zuten Anphora hotelaren ardura.

Sardexkak, ganibetak, txinatarren zotzak

eta ikusi gero han, mendietatik behera

Kretako benetako ibarrak.

 

Ahotik bota nahian egon zinen luzaz

Kaneari iritzi genion latz eta urrun.

 

Gure logelari ez. Gure logelari ez.

Ostera datorkit han ezagutua orain daukan formarekin

zure orduko gorputz maitea.