Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

PRENNEZ GARDE

À LA FERMETURE AUTOMATIQUE

DES PORTES

 

ez doa oso urrun ere, bost ordu barru

telefono dei bat hartuko dugu hango geltokitik

onik iritsia dela esanez

alegia, trenak ez duela ezustekorik egin

baina halako hustasun bat

hango geltokitik etxera hogei frantses

magrebiar jatorriko, lau buhame

hamalau arabe, hamazazpi senegaldar

zortzi bolikostar, hiru ganbiar, maliar bi

eta zuztarreko zazpi frantses zeken

gurutzatuko ditu argirik ez daukan

rue de la chaine estuan barrena

hain zurbil, hain ahul, maleta astun bat herrestan

eta CRSak auzoan azaldu ez badira behintzat

Rashidengana jaitsiko da maleta utzi ondoren

behar bezalako mentazko te bat hartzera

Jean Christopheren lauta entzun bitartean

trenbideetako onikirten bat bezala

haserre dabil aspaldion xeminoen sindikatu gorriarekin

eta hala ere ukabila estututa despeditzen dugu

nasan, xeminoek begia kliskatzen digutelarik

vigie pirate planeko armadunak gutaz trufaka beren artean

barre egiten digu aulkitik

komunistak ahul daude auzo hartan

ateen automatismoaz bakarrik arduratzen dira