Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

ESKUZ ESKU

 

jadanik ez goaz karrikan eskuz esku

lagunik ederrenak ginenean bezala

jadanik ez zara aitatxoren alaba

 

jadanik ez goaz karrikan eskuz esku

mahatsak hartu du heineko hartzidura

edertu da bitan bat omen ginen hura

 

jadanik ez goaz karrikan eskuz esku

bihurtua zara eder triste nerabe

jadanik zeu zoaz ene beharrik gabe

 

jadanik ez goaz karrikan eskuz esku

heldu da heldu behar zuen haustea

beste esku batek helduko du zeurea

 

jadanik ez goaz karrikan eskuz esku

baina eskuz esku gara berriz karrikan

luze gabe joanen haizearen irrikan

 

eskuz esku joanen gara berriz karrikan

zu eta biok eta hirurok eta

aldarri ederrez eta bihotz garbitan