Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

EZ NEGARRIK EGIN, HAURRA

 

paperean nekarren idatzia

                eguneroko ipuina

eta papera maite ez duten piztia bi

irten zaizkit bidean

                gelditu naute

                        galdetu didate:

        —nora zoaz!

lamia baten bila nindoala esan diet

                ez didate sinetsi

                        haserretu egin dira

 

ez, piztia horiek ez datoz zirkuetan

 

atzo bekokian ipini zenidan pegatina

                        kendu didate

        —hustu sakelak!

eta beha eta beha egon dira paper hari

jakin behar zenuke

                ez dutela piztia guztiek

                        irakurtzen ikasten

 

zer zen hura galdetu didate

                ipuin bat zela erantzun diet

        —ipuinik ez guri!

 

bai hurrengo batean esanen dizut zein diren

                ikusten baldin baditugu

 

mila zatitan hautsi dute ipuina

                eta zati guztiak jatera behartu naute

 

ez, makila horrekin ez dituzu uxatuko

 

eta orain ez naiz oroitzen

paper hartan zuretzat idatzia nekarren

                eguneroko ipuinaz

 

ez negarrik egin, haurra:

                mila ipuin berri

                        dauzkat barruan orain

                zuri beldur eragiteko