Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

HASPEREN

 

zelako adur onekoa zaren, haurra!

hogeitabatgarren mendean emaztetuko zara!

 

jakinen bazenu! kontatuko banizu!

nolako mendea, hogeigarrena!

ez, ez dizut kontatuko!

ikasiko dituzu, eta ez dituzu sinesten ahalko!

 

baina saiatu ginen!

eta azken mahats alea arte saiatuko gara!

nolako amorrua!

ezin berorik ekarri sute handienetarik!

 

hogeitabatgarren mendea...!

mila gauen hurrengo gaua!

 

utopiak ez dira gauzatuko! emakia sortuko da!

rimmel apur bat begian! mahats berria hortzartean!

amazona izanen zara!

ez da suterik beharko bihotzak garbitzeko!

etorkizunera iritsiko zarete!

 

hogeitabatgarren mendea...!

zu jaio ondoko lehen mendea!