Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

AITONA NUEN HILTZAILE

 

ilarra mahaira edo baba berria

eta amonak, esaterako, udaberri hobea

izanen ahal dugu aurten

eta zuk txoriak udaberrian ugaltzen dira

 

—txoriak? denak hilko balituzte!

—aitona, mesedez...! zergatik?

—lotsagabe horiek jaten dituzte hazi guztiak!

 

eskopeta ganbaran bere zorroan egoki

 

intxaurrondo zaharraren hostoak atepera

eta zuk udazkena heldu da

udazkenean erortzen dira zuhaitzen hostoak

 

—goizeko bostetarako hasi dira ehiztariak,

ez dugu puska batean bakerik edukiko!

 

orduan zuk ez pozik baina aitona poztearren

 

—txori guztiak hiltzen badituzte

datorren udaberrian ez dizkizute haziak jango!

—txoriak hil? ehiztariak akabatu behar lirateke!

—aitona, mesedez...!

—denak!

—baina... zergatik?

—lotsagabe horiek askatzen dituzte itxiturak

        horiek dira landareak zapaltzen dituztenak!

                denak akabatuko balituzte...!

 

eskopeta jaitsi kartutxoak sartu

eta banan bana eginarazten zigun tiro

aitonak urte zaharrez gauerdian

goiko aterki handira

 

horregatik dago zulotxoz betea

zozoak mokoka egindako piku beltza bezala