Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

PROMENADA

 

galde lasai, eska iezadazu

nahi duzuna

erantzunen bat asmatuko dut

gezurrik esan gabe

ibili okerrak egina naiz

zaildu naute gurasoak Olentzero dela entzuteko

 

galde lasai, eska iezadazu

nahi duzuna

eraztunen bat asmatuko dut

gezurrik esan gabe

lepondoko batzuk hartua naiz

zaildu naute arrosak odolduak daudela entzuteko

 

galde lasai, eska iezadazu

nahi duzuna

orrazturen bat asmatuko dut

gezurrik esan gabe

liburu batzuk irakurria naiz

zaildu naute bizitza zikin zaizula entzuteko

 

galde lasai, eska iezadazu

nahi duzuna

errazturen bat asmatuko dut

gezurrik esan gabe

zer edo zer bizitakoa naiz

zaildu naute maitasuna hodei bat dela entzuteko

 

galde lasai, eska iezadazu

gezurrik esan gabe

urraturen bat asmatuko dut

nahi duzuna

negar batzuk egina naiz

zaildu naute gezurretan bizi garela entzuteko