Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

OTADIAN

 

nola ikusten ote du aurreko bidea

ipurtargiak?

 

noiztik bizi ote da alargun

amona mantangorria?

 

zergatik utzi ote zion landare izateari

basahuntzak?

 

nola harrapatu ote zuen halako zotina

matxinsaltoak?

 

zapela kenduta zer ageri ote du

zapelatzak?

 

nora ote doa udan

labezomorroa?

 

zergatik hil ote zuen kataluzea

katamotzak?

 

non galdu ote du haria

sorgin-orratzak?

 

zer lanbide ote du arra jaio den

erbinudeak?

 

non ezkutatzen ote du emea

azkonarrak?

 

noiz ikasi behar ote du hegan

kukusoak?

 

zergatik mozkortzen ote da

kakalardoa?

 

ez ote ditu inoiz lumak harrotzen

urzapalak?

 

noiz emanen ote du pot gozo bat

muxumartinak?

 

nola jaso ote zuen harria

trikuak?