Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

ZEINEN GELA ZEKENA!

 

arbela ez da beltza

arbelaren goialdean ez dago gurutzerik

goizean ez duzue himnorik kantatzen

mahai handiaren gainean ez dago makilarik

ez Txinako fedegabeak salbatzeko itsulapikorik

biribilean jartzen zarete

elkarren ondoan neskak eta mutilak

elkarren aurrean

ez dituzue gaiak aho batez oihuka hartu behar gogoan

hitz egiten ahal duzue

euskaraz hitz egiten ahal duzue

koloretako klarionak dauzkazue

ez daukazue koadro batetik zelatatzen zaituen mustatxadunik

paretan zeuen marrazkiak daude itsatsiak

eta arratsaldean ere ez duzue himnorik kantatzen

 

baina saguak zer dio?

 

hogeita hamar irakasle txipi

maisu gaztea hezteko

 

sagurik ere ez daukazuela?