Rimmel
Rimmel
2006, poesia
128 orrialde
84-95511-90-8
azala: Juanba Berasategi
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

ESPALOIKO ISTRIPUA

 

—Txuri esaten diogu,

eta zuk nola duzu izena, panpox horrek?

 

nola duen izena

zenbat urte dituen

non bizi den

ama nongoa duen

 

eta gure alaba denari erantzuten

Txurirekin jolasten duen bitartean

ezin du txakur bat pasatzen utzi

deitu eta fandango batzuk eragin gabe

 

—nork prestatzen dizu gosaria?

eta dena kontatzen diola

Txurirekin jolasten duen bitartean

—gezur asko esaten dizkizu aitak, ezta?

elkarri behatzen diogu

irriño diplomatiko bana

 

gizendu egin da urteotan

politagoa dagoela esanen nuke

—ez didazu musu bat emanen?

niri beha, noski, baina alabari eske

—a, ba nik emanen dizut orduan!

hiru eman dizkio, masail berean

txipia, handia eta handi-handia

 

—goazen, Txuri, goazen!

 

        ene...!

 

—ze txakur polita, e, aita?

 

        ene...!

pekindar batekin dabil orain!