ITSASALDI

esne-malkoekin

harea mugiezinaren

ertz goiena

ohartarazten du

ezaxolaz marruskatzen ditu

etendako bizitza horren dikeak

zaindari jabal

azaleratzen ditu eskuak

fresko paleolitikoan zehar

neurri osoan

esploratzeko

gaztaina koloreko ezpain fosilak

            mingaina pausatuz

            une batez

            kantauri erritmoz

etendako profila beheratu

gerora itzuli

besarkatu eta

haitzak

porotsuki

zanpatzeko

bere tul gris

eta bere olatu

gazien brodatuez

eraisten da dotore

herri txiki

eta kosta handi

honetako

ozeanoa

kantauri erritmoz

beti dantzan

zink gailurrek

kulunkaturik

duna beltz

eta tanta alargunen

kantari

© cc-by-sa Jule Goikoetxea