GLORIA

ez zintuen inork

Demokritorekin nahastu

baina susmoa zegoen

ez ote zenuen bizitza luze

eta ankerra izango

oso

oso urtetsu

hilko zinen

Olinpo prekario batean

besterik ezean

gazte hiltzea

hautatu zenuen

gazte

eta glorian

sablez

porrotez

eta konspirazioz

lehorte hordiz

eta tolerantzia arriskutsuz

beteriko glorian

Sokratesen gisara

bizi izan zinen

zirikatzeari utzi gabe

Eoloren antzera

zatikatua

desagertu zara

itsasoaren babesera

zure azken hatsean

ducados batekin

bedeinkatu duzu Marx

eta hortxe utzi duzu Hegel

gorputza trokaturik

eta sozialistak zorabioan

aulki baten inguruan

jira-biran

Zinikoekin biziatua

anaideia

ez dirurik ez lotsarik

Feboren moduan

portatu zinen

bizirauteagatik

Diskordia bezala

identitateagatik

baina aspaldi du dakigula

Oteizarena

Benitorena

eta KGBrena zarela

demokraziaren

eta

klandestinitatearen

gerra hotzarena

sablez

bizitzaz

eta konspirazioz

lehorte hordiz

eta tolerantzia arriskutsuz

beteriko glorian

© cc-by-sa Jule Goikoetxea