Ezpainetarako bidean I

Uso guztiak ez dira zuriak

grisera hiritartu dira zenbait

eta latoizko labana kamutsez

nekez hauts daiteke

isiltasunaren harizpia amodioaren

lur eremu hesitu gabekoetan

Zurikeriatan ote dabiltza usoak

grisaren errotarria ehotzen

Iturri ofizialek beren susmoa

beren kezka beren lo egin ezina adierazi dute

klarionazko zirkuluen barruan kokatu

hiriko kabina gorrien gainetan

heineken botila hutsak agertzen direla-ta