[denok gara hemen edale, puta]

Denok gara hemen edale, puta.

Zein triste gauden elkar harturik!

Txori-loreak hormei lotuta

hodei artean indargeturik.

Zupatzen duzu pipa belztua,

gaineko kea berezia da.

Jantzi dut gona estu-estua

are meheago eman dezadan.

Leihoak daude betiko itsu.

Antzigarra da, edo ekaitza?

Zure begiek dute, berdintsu,

katu zuhurren begien antza.

Oi, handia dut bihotz belztura!

Heriotzaren zain ote nago?

Orain dantzatzen ari den hura

infernurako bidean dago.