Poesia kaiera
Poesia kaiera
Eugenio Montale
itzulpena: Anjel Lertxundi
2015, poesia
64 orrialde
978-84-92468-76-8
Eugenio Montale
1896-1981
 
 

 

Sigi-sagaka

 

Harean etzan eta hausnarrean nago.

Coboldo apaiz badaezpadako baten

prosa dut irakurgai. Baina pentsamendua urrutira doa.

Konstantzako Kontzilioa bukatu eta bi mendera

Ingalaterrako par batek, poeta eta putanerra bera,

hiltzeko zorian zegoela

betirako bizitza ukatu zuen irmoki

eta gero konbertitu egin zen

atsegin emateko aitorleari,

konberti zedila agindu zion emazteari,

ordurako deskonbertitua bera,

beste konfesio batera pasatu zen,

eta konbertituko zituen zirenak eta ez zirenak ere

auziari amaiera emateko.

 

Orain eguzkia benetan ari da sartzen.

Sakonean Coboldo dontsua ez dago hain erratua.

Egun ez dugu elkar hiltzen txalo eta festen erdian.

Beste modu batzuk aukeratu dira. 120 kristau

konfesio daude eta dirudienez gutxi dira.