SOUVENIR
«Opened» piztu berria, eguzkia
teatro nazionala emeki argituz,
Kafka kamiseta eskegi berriak,
ibaiertzetik leunki tranbia,
Gitarra, jazza, estatuak, zubia,
eliza garai eta handia plazan,
eskeletoa, erlojua, hori guztia,
Karluv atzean, Revolucni han,
postalak, lehen turista taldeak,
eta, geroxeago, langileak;
hiria jendez janzten, oharkabe,
eta zu eta biok taberna hartan,
elkarrekiko mapa beharrik gabe,
heriotzaz hizketan. Gure Praga.
© cc-by-sa Iņigo Astiz