Leihotik dakusat gaua
argi karatxoek jana
eta enarak lo
eta udazkena zain itzultzeko
hona
burmuina miatuko dizut
denbora pasa
eta ahal izatekotan
oroitzak
hodei batzu ohostu
malkoen baratza
zubiak jasoko ditut
hemendik horra
eta norbaiti hitzegin bakardadeaz
bakarrik ez egoteko
berriz beldurrarekin
neure burua dakusat
zuloak egiten hondartzan
mundua urperatzen denentz
oraindik gazte gara
© Jose Luis Otamendi