Nonbait utziko nituen zutaz apunteak
paper zurbilen batzuetan
arratsade euritsuekin nahasian
nonbait utziko zintudan
arnasa hartzeaz ahaztuta
gaur ni maitatzearekin
nonbait utziko zidaten zoriona
zelofan artean
haurrek jan zezaten hamabiak jota
nonbait utziko digute oraindik
ergelki maitatzen elkar
amets eraitsien gainean
zutaz idazteko jaio bide nintzen mundura
© Jose Luis Otamendi