Ingurua ikastera jarri nintzenean
ibaiak negua zekarren
barreiatu egin ziren zelaietan izarrak
sonbrerua erantzi gauak
kalean jendea algara baten zihoan lanera
euriak buztitzea ahantzi
nahi gabe zoriontsu ginen
ingurua idaztera jarri nintzenean
bekokian hodeiek jo ninduten
begiak ohostu zizkidan lagun batek
eskuak moztu herriminez
ingurua bizitzera jarri nintzenean
oparo
erotu egin nintzen
© Jose Luis Otamendi