han zeudelako hitz egin dut erraldoiei buruz

mendian galdu ginenean euria ari zuen eta zu

odoletan zeunden harkaitzak bezala eta nire begiei

ezti likatsua zerien

kvasirren odola eztiarekin nahasiz

sortu zuten lurrazpiko izakiek poesia

esan ezin dugun hori besteen ezpainetatik edan

eta hizkuntza bera desitxuratzeko

oraindik gordetzen ditut obsidiana zatiak

lurruna eta mamuak eztarrian

baina ez nintzen ausartu benetan gertatu zena idaztera

me abro y vuelvo a abrirme

a la manera de un camino fractal  infinito

tximistak ireki zuena nire gorputza izan zen

jende ezkutuak eraman zituen nire birikak

zainak gibela ezkerreko lepauztaia

eta inork ez zuen ikusi odolusten eztiusten

ari nintzela haitzarteak nirekin batera

garrasi egin zuen arren

después

agua negra    fluyendo por la tela del tiempo

grænagil batzuetan desio dut

mina gorputz batetik bestera

iragatea