beste aldean ahotsak daude

zaldi batek arroilaren ertzetik

begiratzen gaitu eta sorginduta

amets batean bezala

ur-jauziaren labar moreetatik

korrika egiten dugu

gauerdiko argi urdina eztarrietan

eztarriak eztarri izateari

uzten dion arte

begiradak gauzen arteko mugak

hozmintzen dituela esan nizuen

ahotsak entzuteko begiak itxi behar direla

eta gorputza ireki bularra harramazkatu

eztarriak eztarri izateari

uzten dion arte beste ahots batek

haizeak emariak gullfosseko

lurrunezko mamuek

gure trakeatik hitz egin dezaten

elur-berdantza batek

zure bularrean ur-jauzi bat

sorgindu dezan

zaldi batek arroilaren ertzetik

dei egiten digu