- 1
- 2
- 3
- 4
EMASABELA
Emasabel guztiak ez dira haurrez husten,
ez dira bizitzarekin bakarrik puzten.
Neurea odolez husten da, uzten bada.
Umetu gura nuke,
bizi mina sumatu,
erdibitu barik erditu,
hats epela ahozulotik putz egiten sentitu.
Odolez husten naiz, uzten banaiz
errekasto bat taupadaka bezala.
Ekarrizu esku bat eta sentitu
nire sabeleko harriak odoletan,
kazkabarra bezala ostikoka,
bizirik nagoela esaten.
© Leire Bilbao
