ERDITZEAREN UZKURDURETAN
ESKUTIK HELDU NIZUN

Horrela da, lagundu egin behar zaio oreinari.

Itzal bihurturik pasabideak unibertsoetara

erditzearen uzkurduretan

eskutik heldu nizun.

Bainerako ur beroa, odol hariak,

Nahia eta Nikoleren

ahizpa itsuaren zain nengoen.

Urak isuri ziren uretara

hartu zuen amak bizitza eta

igoarazi zion esnerantz.

Denak etorri ziren ikustera, denak joan ziren

arraroa da aita izatea

ez da bereizten ez sustrairik ez kimurik

soilik ama eta

egunen batean agian

besoetan hartu ahal izango duzun haurra.