PLAGIOA

Egutegi zaharreko egun batean

hogeita bi urtekoa eta hamaseikoa lagun egin ziren.

Biek bietara obra itzelak sortu zituzten.

N. M. Foregger zuten lankide.

Biak ziren antzerki-eszenografoak.

Biak bihurtu ziren gerora zinema errealizadore.

Artistek eta asmatzaileek andre-gizon guztien

esperientzia baliatzen dute.

Auzolanean aritu daitezke baina

bakoitzak gizateriaren sorkuntza orokorra darabil.

Selekzio lana egiten dute.

Ez soilik programa bete.

sopo kafetegian biltzen ziren.

Behin Eisensteinek eta berak mundua partitu zuten han.

Sergei Mikhailovitxentzat Mosku, beretzat Petrograd.

Erdisoto bat zen. sopok esan gura zuen

Soyuz Poetov, Poeten Batasuna.