Non galtzen diren ene begi goibelak

baneki

gorputz etzan laberintoak sortzen

mendeetan isilik egon den sumendiaren ahoak

oihukatuko balu

ezer ez

hezetasunezko zulokoteak

oihartzunik gabeko hutsuneak

beste masaila eskaintzen

baleki

ene begi ilunak euritan oparitu nizkizula

pertsianen moduan gaua ukatzen

inork esan zezakeen ez zuela euririk egingo

badakit

berdin da

 

 

© Xabier Aldai

 

www.susa-literatura.eus