Negarrez gaituzu garaipenean
prest barre gasentzat
lau andenetako geltokian
biraka duela mila urtetatik
harri hautsien artean
begiak izan eta ikus ezin
gai ote gara
pozik naiz bizirik egoteaz
esateko prest
altabozetan lau hizkuntzatan
gauaren hotzean
gure ametsetan bezalako izaki flotagarriak
esku eta belaunen inguruan narraztatzen
lau irteeratako geltokian
denbora trena da iheska
sudurra leihoko kristalaren aurka zapaldurik
emana bezala
gorpu luze eta meharrak inurrien antzera
eguzkirik gabeko kobazuloetan
amona ez moztu lepoa antxumeari
ez dut goserik
klase ororen mugak zeharkatzear
itzaltzen noa
tren ororen sinbolopean
sendagairik ezean itzaltzen
emigranteen haurren negarretan
anitz kolore ezberdinetako suen artean
euliak hitzaren zain daude
siri-miri moteleko arrats honetan
© Xabier Aldai