Hodeiak eguzki artean ezkutatu

haitz tontorrak behelaino itsasoen gainean

irla bakarti agertzen diren

egunsenti berriak bakarrak errepikaezinak

ikusi nahi nituzke

isilik egoten ikasteko

gizakiak merkatal lehengaiak bihur ez daitezen

burusoilak zorriz asasinatuak ez izatearren

itsuek beren buruak aurkitu nahian

txikitako ipuinak konta zitzan eskatzen zioten.

gaur egunero bezala

hormatxori arrunt bi edo hiru

eroriko dituk higandik pozoindurik

zapalduak izateko

 

 

© Xabier Aldai

 

www.susa-literatura.eus