Punching-ball bat izana zen baina
Orain ez da zaku bat Zeldaren pareta
Zuri erahileak duintasunez lehertzen dituen
Lanpararik argitsuena sapaitik zintzilikatua
Punching-ball bat izana zen baina
Orain ez du oihurik egiten ahal
Esku guantedunak ezin eragin diezaioke minik
Urkabetik delikateziaz jaisten du orain
Esku guantedunak
Haizeak laztantzen ez duen minik
Gabeko mihina da orain 3x2ko bihotzean
Eta bere mutuak iratzarri
Egiten gaitu taupaka heldu den hotsean
Bere burua urkatu du
Baina ez du bere burua urkatu
Hilik nahi ez genuelakoz da hil
Gorroto zehatzez bete guante
3x2ko bihotzak
© Koldo Izagirre